Esperanto Midi-Pyrénées
menu esperanto menu français
Vous êtes ici >> Accueil/Las paginas/Le Centre Cultural Esperanto de Tolosa (EKC)/La Teatro Trupo de Tuluzo (la TTT)

La Teatro Trupo de Tuluzo (la TTT)

22/10/2011 - Lu 967 fois
Dempuèi 4 annadas, le TTT (Teatro Trupo de Tuluzo) prepausa sus Tolosa, en França e pel monde doas pèças de Rikardo Cash.

Qualques actors (Kiki, Samia, Marc...) se relèvan per jogar aquelas farsas petitas pendent divèrsas rencontres nacionals e internacionals.

- la Grandioza Kongreso (Una farsa sul movement esperantista de Rikardo Cash)
"En un desenat de scenetas, un participant a son prumièr congrès universal rescontra "especimèns" tipics del movement"

Article en esperanto sus la pèça :
Teatro : En Paŭo, estos "La Grandioza Kongreso" !

- la Duonhora Pluvego (Pèça en un acte de Rikardo Cash)
"Doas femnas, que tot dessepara dins la vida se rencontran a l'azard dins un estanquet ont s'abriguèron a causa de la pluèja ..."
FÒTO = Kiki e Samia dins "La Grandioza Kongreso"

 TTT

Istoric :

(fins a 2005)

A Tolosa, un grope d'esperantistas, d'unis que desiravon progressar cap a la mestresa de la lenga internacionala, e d'autris ja mai experimentats, metèron en scèna d'espectacles per se perfeccionar dins aquesta lenga. Per sa prumièra representacion, le grope trebalhèc sus "Rekta Metodo".

Aquel tèxte es adaptat de la pèça escrita en 1908 per Tristan Bernard autor de comèdias que conesquèron capitadas bèlas. Le títol original es "L'anglais tel qu'on le parle" e fosquèc traduit per Gaston Moch.
Le second tèxte es " La krimo de la Strato L’Ursin’ " (en francés : " L’affaire de la rue de Lourcine " escrit en 1857 per Eugène Labiche).

Seguèc la realisacion de « Forlasita » d’aprèps « la Délaissée » de Max Maurey.

Le grope trebalha jos la direction d'Arno Lagrange, actiu dins le teatre en esperanto dempuèi 25 ans, en prumièr dins le cadre de TESPA a París e puèi pendent d'annadas amb le teatre "Krizalido", e de còps tanbens dins d'autras formacions ("Kallima", "Théâtre de l'épicéa", …). Se l'objectiu d'aquelas companhiá èra professional, le trebalh de Teatro Trupo Tuluzo se plaça dins le domèni amator, qualques participants descobrèron a l'encòp la lenga internacionala e l'art dramatic. La vertut dels amators es de realizar lors projèctes amb "amor". Aquí s'agís d'una tradicion mai que centenària : s'entrainar a l'esperanto en repetint pèças de teatre (las prumièras experiénças se fasquèron ja en 1896!!). La tropa se presentèc qualques desenats de còps pendent d'unis rencontres de la region a Bordèu, a Tolosa, en Agda, en Catalunha, etc.

En 2004 e 2005 « TEATRO TRUPO DE TULUZO » presentèc la quatrena pèça : "Familia Etoso" (Un air de Famille) pendent le Congrès catalan a Ceret, la  Fèsta de Zamenhof a Tolosa, pendent la Setmana internacionala a Wetzlar puèi al Congrès du Centenari Boulogne 2005 e tanbens pel Kultura Esperanto Festivalo a Helsinki e al Congrès Universal d’Espeanto de Vilnius en julhet de 2005 e darnièrament a Festo.

Partager cet article wikio : Partager cet article | digg : Partager cet article | del.icio.us : Partager cet article | facebook : Partager cet article | scoopeo : Partager cet article | blogmarks : Partager cet article | additious : Partager cet article |