Esperanto Midi-Pyrénées
menu occitan menu esperanto
logo Krokodil

Ŝorbet-ateliero

22/06/2016 - Lu 926 fois
Kadre de la kurso en "Arrout", je la 12a de junio 2016, okazis ĉe Anjo Lariv prezentado de ŝia metio.
Sed kiu metio? Bankistino?, Soldatino?, Sorĉistino? Certe ne, Anjo, produktas bongustegajn ŝorbetojn.

Do ŝi estas iomete sorĉistino ĉar ŝi memplukas fruktojn kultivitajn aŭ sovaĝajn.

Alirinte la ĉarman valon de "Bethmale", ni alvenis en ŝian vilaĝeton "Samortein".

Kiel 16 frandemaj birdoj, ni unue plukis fragojn, kaj poste ni promenis inter la unuaj framboj. Sekve, ni vidis kultivitajn mirtelojn kiuj devenas de Kanado, kiu pli bone adaptiĝis al la pirenea klimato.

Fine, ni vidis ankaŭ grosojn kaj "Caseilles", miksadon de nigraribo kaj ruĝaribo.

Plukado :

Ni kune piediris en la ĝardeno malsupre de la domo de « Anne » kaj plukis pli malpli 1,6 kilogramon da fragoj.

En la laborejo kun la recepto « ŝorbeto de fragoj » :

Ingrediencoj :

  • 1 kilogramo da fragoj,

  • 400 gramoj da sukero,

  • 400 centilitroj da fontakvo,

  • 3 gramoj da karobo,

  • 2 gramoj da fibroj da « guar »

  • Oni povas anstataŭi karobon kaj « guar » per 3 gramoj da « agar-agar » kiu estas algoj.

Preparado en la laborejo de « Anne » :

Anne purigis fragojn.

La partoprenantoj senpedonkligis ilin.

Poste Michel kaĉigis ilin en pelvo.

Du helpantoj pesis la karobon kaj la fibrojn de « guar ».

Anne pesis sukeron. Poste ŝi prenis iomete da sukero kaj miksis kun ĝi karobon kaj fibrojn de « guar » en bovlo.

Anne varmigis fontakvon kun la restanta sukero. Ŝi kirlis malrapide la preparaĵon por fandi la sukeron. Kiam la temperaturo atinĝis 50°C. gradojn, ŝi aldonis la miksaĵon de sukero, de karobo kaj fibroj de « guar ».

Ŝi boligis la miksaĵon dum 3 minutoj daŭre kirlante.

Michel verŝis la kaĉon de fragoj sur la varmetan preparaĵon, Anne denove kirlis ĝin.

Tiu preparaĵo bezonas malvarmiĝi ĝis minus 4°C. gradoj.

Post oni denove miksis kaj enverŝis en la profesian ŝorbetmaŝinon.

Post 8 minutoj la ŝorbeto pretas.

Tiu organika vegana ŝorbeto aspektas tiel kremo kaj tre bongustas.

Post la laboro estas la ĝuo !

Ni ĝuis la freŝfaritan ŝorbeton

Anne preparis por ni tablon ekstere meze de belega kadro en sia ĝardeno sur sia teraso fronte al la arieĝa montaro. Ŝi atente zorgis pri ni per freŝaj sukoj el cidonio kaj pomo kaj alia botelo da pomsuko kiujn ŝi memfaris kaj vendas.

Ni kunmanĝis du kilogramoj da ŝorbeto. Ni estis sesdek homoj, do ni sufiĉe frandis… ! Ni havis ĉiuj abundan belan kupon. Ĉiuj homoj konsentis pri la valoro de tiu delicaĵo.

Poste ni daŭrigis la viziton en ŝia butiko, kie kelkaj el ni aĉetis ŝiajn specialaĵojn : marmeladojn, siropojn, konfitaĵojn aŭ aliajn specialaĵojn el burĝonoj de abio, floroj de sambuko, mirtelo, diversaj riboj, ktp… bedaŭrinde ni ne povis kunporti ŝorbetojn hejme ĉar ni ne havis glaciujon.

Ni varme konsilis vin se hazarde vi preterpasas tiun regionon, nepre viziti Anne sur la vojo al Bethmale kaj la montpasejo La Core.

 

Dankon al Florence pri la fotoj. Pli da vi trovos en la galerio, en Facebook.

Membres : Niko infos sur le membre | contactez le membre
Partager cet article wikio : Partager cet article | digg : Partager cet article | del.icio.us : Partager cet article | facebook : Partager cet article | scoopeo : Partager cet article | blogmarks : Partager cet article | additious : Partager cet article |
Partager les derniers articles Netvibes : Partager les derniers articles | iGoogle : Partager les derniers articles | My Yahoo : Partager les derniers articles | wikio : Partager les derniers articles | RSS : Partager les derniers articles |
Article précédent : Daghestan, entre Europe et AsieArticle suivant : Les rencontres de l'été